Дзень роднай мовы
22.02.2021У свеце налічваецца больш чым шэсць тысяч моў. Адны з іх вабяць сваёй прыгажосцю і непаўторнасцю, другія – мілагучнасцю. Сярод гэтага мноства моў ёсць адна асаблівая – родная беларуская мова.
19 лютага адзначаўся Міжнародны Дзень роднай мовы ў нашай установе адукацыі. Усіх, хто заходзіў ва ўстанову, сустракалі прывітальнымі словамі, размешчанымі ў фае першага паверха. Там жа і ў паэтычным, і ў музычным выкананні гучалі творы беларускіх паэтаў. Гэта яскрава падкрэсліла, что наша мова ўнікальная: жывая і мілагучная, песенная і паэтычная, мова бацькоў і дзядоў - вялікі нацыянальны скарб.
На працягу дня ва ўстанове адукацыі працавала шэраг інтэрактыўных пляцовак: “Птушкі па-беларуску”, “Кветкі па-беларуску”, “Адзенне па-беларуску”, “Посуд па-беларуску”, “Мая кватэра”, “Крыжаванкі”, “Маё любімае беларускае слова”, дзякуючы якім навучэнцы паглыбілі свае веды.
Падчас гульні-конкурсу “Пагуляем у роднае слова” з вуснаў педагогаў і вучняў гучалі толькі родныя словы, беларускія вершы, загадкі, прыказкі, фразеалагізмы.
Віншуем лепшых знаўцаў роднай мовы!
Дзень роднай мовы — гэта нагода яшчэ раз задумацца пра лёс і будучыню той, якую мы завём нацыянальнай і матчынай мовай. Беларуская мова – самая мілагучная пасля італьянскай. Гісторыкі сцвярджаюць, што яна яшчэ і самая старажытная сярод славянскіх моў.
Любіце, шануйце, паважайце родную мову, размаўляйце на ёй часцей!
